Na My Teacher Make Me Who I Be Today! By David Tamunoemi Okoye
First, I Wan thank God for my teacher’s life
The person wey dey always give me drive
Drive to be better
Na, you make sure I no remain in gutter
Drive to be wiser
Na you be my number one advisor
Drive to be Braver
Na, you make me an explorer
This Story don tey, I no go lie
The Story of how you don change my life
Told me to keep pushing till I reach the sky
My teacher, My teacher your rating don pass five.
This toast dey for you
And for me too
for all we don been through
Some people no do dey gree
That na my teacher be my O.G
Leave them joor, them no sabi
Wetin this my teacher don do for me?
Wetin, I go know if not for my teacher?
Person wey dey dispense knowledge like a preacher
Wetin, I go do if not for my teacher?
My guy wey always dey beside me, you be my number one believer
Who I go be if not for my teacher?
Na, you turn me into a leader
With all these tori I Don tori
The jist I wan yarn be say
Na my teacher make me who I be today
This poem by David Tamunoemi Okoye emerged as a winning entry (top 10) in the Mrs. Felicia Ighoroje Memorial Celebration 2022 organised by PositiveNaija.
David Tamunoemi Okoye
My name is David Tamuneomi Okoye. I am currently a student furthering my education in engineering. Writing and poetry is a very important hobby of mine.
